Պատմություններ
Դոկտոր Հրակ Եագուպեան
Հետազոտող
Դոկտոր Հրակ Եագուպեանը Կանադայի Նյուֆաունդլենդի Մեմորիալ (Memorial) համալսարանի ասիստենտ-պրոֆեսոր է։ Նրա գիտական գործունեությունը համադրում է առողջապահության, պատմության և սոցիալական արդարության ոլորտները։ Մագիստրոսական և դոկտորական աստիճանները ստացել է Կանադայի Բրիտանական Կոլումբիայի համալսարանում՝ մասնագիտանալով պատերազմի և հարկադիր տեղահանության համատեքստում առողջապահության, պատմության և մարդասիրության հարցերում։
Նրա հետազոտական ծրագիրը կենտրոնանում է առողջապահական փորձառությունների ուսումնասիրության վրա՝ տարբեր ճգնաժամային, հաշտեցման և հարկադիր միգրացիայի պայմաններում։ Ներկայումս իրականացվող նախագծերը ներառում են Արցախից Հայաստան տեղահանված կին բուժաշխատողների և բուժառուների բանավոր պատմությունների հավաքագրումը։ Բացի այդ, նա ուսումնասիրում է Կանադայի բնիկ ուսանողների տեսակետները՝ կապված առողջապահական կրթության ոլորտում հաշտեցման գործընթացի և «Ճշմարտության և հաշտեցման հանձնաժողովի» գործողությունների հետ։ Այս բոլոր նախաձեռնություններում դոկտոր Յակուբյանը կարևորում է տրավմայի վերաբերյալ գիտակցված մոտեցումները, բարոյական ներգրավվածությունը և խոցելի խմբերի ձայների պահպանությունը։
Դոկտոր Եագուպեանը նաև ակտիվորեն ներգրավված է գիտական և մասնագիտական համայնքներում։ Նա Ցեղասպանագիտության միջազգային ցանցի անդամ է և ծառայում է Ցեղասպանագիտության միջազգային ասոցիացիայի ռեզոլյուցիաների հանձնաժողովում։ Մեմորիալ համալսարանում նա Սենատի անդամ է և ընդգրկված է մի շարք ֆակուլտետային և համալսարանական հանձնաժողովներում`ընդհուպ գլոբալ առողջության, հավասարության, բազմազանության, ներառականության և հակառասիզմի հարցերով զբաղվող հանձնաժողովներ։ Այս բոլոր հանձնառությունները վկայում են նրա նվիրվածության մասին՝ խթանելու համագործակցային գիտությունը, զարգացնելու առողջապահական արդարությունը և ամրապնդելու կապերը ակադեմիական հետազոտության ու համայնքային առաջնահերթությունների միջև։
Լիդա Ասիլյան
Հետազոտական օգնական
Լիդա Ասիլյանը կրթական քաղաքականության ձևավորման նոր սերնդի փորձագետ է Հայաստանից, և վերջերս ավարտել է Հարվարդի համալսարանի Կրթության բարձրագույն դպրոցը (Կրթական քաղաքականություն և վերլուծություն մագիստրոսական ծրագիր՝ համաշխարհային, միջազգային և համեմատական կրթության ուղղվածությամբ)։ Հարվարդում նա խորհրդատվություն է տրամադրել Ֆինլանդիայի կրթության ազգային գործակալությանը՝ հակաբուլինգի քաղաքականության հարցերով, ինչպես նաև մասնակցել է ներառական կրթության, հավասարության և սոցիալ-հուզական ուսուցման ուղղված նախագծերին։ Նա համագործակցել է նաև Մասաչուսեթսի տեխնոլոգիական ինստիտուտ (MIT)-ի Martin Trust ձեռնարկատիրության կենտրոնի և MIT Media Lab-ի գործընկերների հետ՝ ուսումնասիրելով արհեստական բանականության կիրառությունները կրթության ոլորտում և ամրապնդելով իր հետաքրքրությունը տեխնոլոգիայի, քաղաքականության և կրթության խաչմերուկում։
Լիդան անգլերենի և հաղորդակցության բակալավրի աստիճանը ստացել է Հայաստանի ամերիկյան համալսարանում։ Նախկինում աշխատել է որպես խորհրդատու EducationUSA Armenia-ում, համակարգել շրջանավարտների ծրագրեր Ամերիկյան կրթության միջազգային խորհուրդների հայաստանյան գրասենյակի (American Councils for International Education) շրջանակում և ներգրավված է եղել բանավոր պատմության ու մարդու իրավունքների փաստագրման նախաձեռնություններում՝ «Rerooted Archive» և «Center for Truth and Justice» կազմակերպությունների հետ։ Մասնագիտական գործունեությունից բացի, նա խորապես հետաքրքրված է լրագրությամբ և պատմասացությամբ, ինչպես նաև զբաղվում է գրական ստեղծագործությամբ և բացահայտում Հայաստանի լեռնային բնաշխարհը։
Էլլա Բանֆիլդ
Հետազոտական օգնական
Էլլա Բանֆիլդը սովորում է Նյուֆաունդլենդի Մեմորիալ համալսարանում՝ պատմության խորացված ծրագրով և ֆրանսերենի մասնագիտացմամբ։ Նրա հետաքրքրությունների կենտրոնում է 20-րդ դարի Բրիտանական կայսրությունում կանանց դերակատարությունը՝ տարբեր երկրներում նրանց նկատմամբ վերաբերմունքը, ընտրական իրավունքի համար մղած պայքարը և Առաջին համաշխարհային պատերազմում ունեցած ներդրումը։ Նա նաև համալսարանի «Պատմության ուսանողական ընկերակցության» գործադիր անդամ է՝ խթանելով ուսանողների ակտիվ մասնակցությունն ու աջակցելով համակուրսեցիներին։ Ուսման կողքին Էլլան աշխատել է «Ծովակալության տուն» հաղորդակցությունների թանգարանում որպես օգնական։ Ապագայում ցանկանում է պատմություն դասավանդել ֆրանսախոս դպրոցում։
Խանում Գևորգյան
Հետազոտական օգնական
Խանում Գևորգյանը ծրագրերի կառավարիչ, քաղաքականությունների փորձագետ և հետազոտող է՝ մասնագիտացված կրթության, մարդու իարվուքնների, գենդերային հավասարության, և ժողովրդավարական կայունության ոլորտներում՝ և՛ Հայաստանում, և՛ տարածաշրջանում։ Խանումն այժմ “Հանուն հավասար իրավունքներ” կրթական կենտրոն ՀԿ-ի Ծրագրերի ղեկավարն է, որտեղ նա ղեկավարում է բազմաբաղադրիչ նախաձեռնություններ, կառավարում է ծրագրերի բյուջեներ, մշակում մոնիթորինգի և գնահատման գործիքներ, ինչպես նաև կառուցում և զարգացնում է դրամատուների և գործընկերների հետ հարաբերությունները։ Զուգահեռաբար Խանումն աշխատում է Արցախից տեղահանված «Տուն-Տեղ» ԲՀԿ-ում որպես Զարգացման կառավարիչ՝ համակարգելով ջատագովության աշխատանքները, կառուցելով հարաբերություններ, ռեսուրսներ և տրամադրելով մարդասիրական աջակցություն կազմակերպության խոցելի շահառուների խմբերին։
Ունենալով կրթական քաղաքականությունների ամուր հիմք, Խանումն աշխատել է որպես Կրթական քաղաքականություններ վերլուծաբան «Ընդդեմ կանանց նկատմամբ բռնության կոալիցիայում» և որպես Կրթական և շրջանավարտների ծրագրի մասնագետ «Հայաստանի մանուկներ» հիմնադրամում, որպես նա մշակում կազմակերպության Շրջանավարտների ռազմավարությունը։
Խանումը Ֆինլանդիայի Տամպերեյի համալսարանի «Առաջնորդություն հանուն փոփոխության․ գլոբալ և եվրոպական քաղաքականություն» բաժնի մագիստրոս է և Հայաստանի ամերիկյան համալսարանի Անգլերեն և հաղորդակցություն բաժնի բակալավր։ Խանումի ակադեմիական և մասնագիտական հետաքրքրությունները նաև հայելվում են իր հետազոտությունների և տպագրությունների մեջ, որոնք ծածկում են կրթության մեջ գենդերային հարաբերությունների, թշնամի պատկերների և միջազգային հարաբերությունների, ռազմականացման և ինքնության կառուցման թեմաները։
Սանազ Լաբբաֆ
Հետազոտական օգնական
Սանազ Լաբբաֆը Նյուֆաունդլենդի Մեմորիալ համալսարանի «Հասարակագիտություն» բաժնի երրորդ տարվա ասպիրանտ է։ Նրա գիտական և մասնագիտական գործունեության առանցքում են որակական մեթոդաբանությունն ու համայնքային ծրագրերը՝ ընդգրկելով փորձառություն Կանադայում և Արևմտյան Ասիայում։ Նա աշխատել է բնակարանային քաղաքականության, քաղաքային կառավարման և կայունության ամրապնդման հետ կապված նախաձեռնությունների վրա՝ մշտապես կարևորելով խոցելի խմբերի ձայների բարձրաձայնումն ու հետազոտական արդյունքների հասանելիությունը լայն հանրությանը: Սանազը ունի փորձառություն գիտական գրության, հետազոտությունների կազմակերպման և գիտելիքի կիրառման ոլորտներում՝ հավատարիմ մնալով մշակութային զգայունությանն ու հոգատարությանը, հատկապես տրավմայի և տեղահանության պատմությունների հետ աշխատելիս։
Տաթևիկ Գալստյան
Հետազոտական օգնական
Տաթևիկ Գալստյանն ավարտել է Հայաստանի ամերիկյան համալսարանը՝ ստանալով բակալավրի աստիճան «Անգլերեն և հաղորդակցություն» մասնագիտացմամբ, ինչպես նաև Եվրոպական իրավունքի դպրոցը՝ ստանալով բակալավրի աստիճան «ԵՄ իրավունք» մասնագիտացմամբ։ Ներկայումս նա դասախոսի ընթերակա է Հայաստանի ամերիկյան համալսարանում, որտեղ մենթորություն է իրականացնում սոցիալական շարժումների, կրթության, բանավոր պատմության և գենդերային ուսումնասիրությունների հետ կապված դասընթացների շրջանակներում։ Տաթևիկը ակտիվորեն ներգրավված է Oral History Matters նախաձեռնությունում՝ որպես համակարգող։ Նույն նախաձեռնության շրջանակում նա մասնակցում է նաև արխիվացման և վավերագրման խմբերի աշխատանքներին, ինչպես նաև՝ բանավոր պատմության մի շարք նախագծերի իրականացմանը։ Աշխատել է նաև որպես տեղեկատու գրադարանավար Հայաստանի ամերիկյան համալսարանի ՀԲԸՄ Փափազյան գրադարանում՝ աջակցելով հետազոտական աշխատանքներին և համայնքային ներգրավվածությանը։
Սամվել Խաչատրյան
Հետազոտական Օգնական և Տառադարձող
Սամվել Խաչատրյանը թարգմանիչ է, արձակագիր ու քաղաքագետ։ Նա սովորել է Հայաստանի ամերիկյան համալսարանի Հումանիտար և հասարակական գիտությունների ֆակուլտետում, որտեղ ստացել է քաղաքական գիտության և միջազգային հարաբերությունների մագիստրոսի կոչում։ Նրա մագիստրոսական թեզը՝ «Պոպուլիզմի և ժողովրդավարության հատման կետերի ուսումնասիրությունը», ուսումնասիրում է Հայաստանում ժողովրդավարության և պոպուլիզմի հնարավոր փոխհարաբերությունները։
2021-2025 թվականներին Սամվելը աշխատել է «Եվրասիա համագործակցություն հիմնադրամում» (ԵՀՀ)՝ Հայաստանում գործող քաղաքացիական հասարակության առաջատար կազմակերպություններից մեկում։ ԵՀՀ-ում Սամբելն ընդգրկված է եղել հաղորդակցությունների բաժնում։ Իր գործունեությամբ նպաստել է քաղաքացիական ներգրավվածությունը, հանրային երկխոսությունը և քննադատական մտածողությունը խթանող նախագծերին։ Նա պատասխանատու է եղել ԵՀՀ հրատարակությունների խմբագրման և վերանայման համար․սրանք հասանելի են ինչպես առցանց, այնպես էլ տպագիր տարբերակով։ Այս հրատարակություններն առնչվում են քննադատական մտածողության, բռնության, իշխանության, քրեական ենթամշակույթի և այլ խնդիրներին։
Մասնագիտական գործունեությանը զուգահեռ՝ Սամվելը զբաղվել է թարգմանությամբ և գրական ստեղծագործություններով՝ կենտրոնանալով տրավմայի, հիշողության և այլ թեմաների վրա։ Նրա հետաքրքրությունները ներառում են պոպուլիզմի ուսումնասիրությունը, համատեղ հիշողության թեմաները, ինչպես նաև քաղաքացիական հասարակության դերը Հայաստանում և տարածաշրջանում։
Արմենուհի Նիկողոսյան
Հետազոտական օգնական
Արմենուհի Նիկողոսյանը համակարգում է Հրանտ Դինք հիմնադրամի ծրագրերը, որոնք ուղղված են Հայաստանի և Թուրքիայի հասարակությունների միջև երկխոսության ձևավորմանը, ինչպես նաև երկու երկրների միջև հարաբերությունների կարգավորման ուղիների հաստատմանը։
2011 թ․ նա մասնակցել է տարբեր երկխոսության ծրագրերի և հակամարտությունների հաղթահարմանն ուղղված նախաձեռնությունների։ Արմենուհին ներգրավված է նաև հիշողության ուսումնասիրությունների ոլորտի տարբեր հետազոտական նախագծերի մեջ։ Նա հետազոտական աշխատանքներ է իրականացնում Հնագիտության և ազգագրության ինստիտուտի Բանավոր պատմության կենտրոնի շրջանակում։ Նրա հետազոտական հետաքրքրություններն առնչվում են հայերի և թուրքերի միջև շփումներին, ցեղասպանության ու հիշողության վերաբերյալ ուսումնասիրություններին։
Արմենուհին ներդրում ունի նաև «Բանալիք․ հիշողության քննախույզ ուսումնասիրությունների հայկական նախաձեռնության» աշխատանքների մեջ։ «Բանալիք»-ի թիմը մշակել է «Սեբաստիայից Սեբաստիա. ցեղասպանության հիշողության հետքերով» հիշողության շրջայցը, որը բացահայտում է Հայոց ցեղասպանության հիշատակման պրակտիկաները խորհրդային և հետխորհրդային ժամանակաշրջաններում։ Շրջայցը հիմնված է ցեղասպանությունը վերապրած սեբաստացիների սերունդների հետ անցկացված բանավոր պատմության հարցազրույցների վրա և անցկացվում է Երևանի Սեբաստիա թաղամասում։